Молитва святому Леониду

Леонид
Леонид

Молитва святому Леониду

О святии мученицы! Прострите благоприятныя молитвы ваша ко Господу и Создателю нашему и умолите Его благость даровати нам (имена) вся к вечному спасению потребная, таже и к житию сему временному нужная: веруем бо несомненно, яко вся возможна вам, яко истинным Его угодником.

Ей, чудотворцы святии! Не посрамите упования нашего, но молитвами вашими сотворите нас наследники быти Царствия Христова, да прославляем человеколюбие в Троице славимаго и покланяемаго Бога, Отца и Сына и Святаго Духа, и ваше святое заступление, во веки веков.

Молитва преподобному Леониду

О священная главо, преподобне отче наш Леониде, земный ангеле и небесный человече, светильниче пресветлый, край наш Прилузский озаряяй!

Тебе, угодниче Божий, неистощимое от Всеблагаго Владыки благодати и даров дадеся сокровище: с верою к тебе приходящих утешати, телесныя и душевныя недуги отгоняти.

К тебе убо прибегаем, припадающе, молимся: не презри нас молящихся и твоея просящих помощи; испроси нам у Христа, да сотворит с нами знамение во благо и преобразит наше мрачное житие, сердце наше прокаженное очистит и обитель сотворит для Своего вселения, яко без Него не можем творити ничесоже, да всякое наше во благо желание исполнит.

Да тако, угождающе Ему, победим борющаго нас диавола, внидем идеже вси святии пребывают и прославляют Отца и Сына и Святаго Духа во веки. Аминь.

Заказать икону можно по телефону +7 90 66 47 66 47, либо по Skype (ikona2.info) Skype Me™!.
Срок вышивки иконы 1,5 - 2 месяца. Точных копий мы не делаем. Каждая икона уникальна. Для каждой иконы изготавливается деревянный киот. Иконы вышиваются по благословлению и освящаются в церкви.



Купить икону