Молятся святому Онуфрию во всех жизненных обстоятельствах. Он, подвигом своим снискав особую любовь Бога, в силе испросить для человека необходимое. Только если сам человек искренне просит об этом у Бога. Молятся святому о видении грехов и даровании силы и желания их исправить. Он помогает побороть страсти и найти утешение в скорби.
Его просят об исцелении глазных болезней и заболеваний костей. А также об избавлении от врагов. И не только видимых. Отцы-пустынники особенно сильно испытали на себе действие злых духов, которые считали безлюдные места своим уделом. Поэтому сильна помощь таких святых в исцелении душевных больных.
Молитва Онуфрию Великому
Преподобный Онуфрий Великий
О преизящный и превеликий пустынножителю, преподобне отче Онуфрие!
Похваляю твоя неизреченная чудотворения и житие пресветло, еже еси препроводил от юности твоея, даже и до старости: никтоже бо изчести возможе терпений и подвигов твоих, пречестне.
Удивися преподобный Пафнутий твоему жестокому еже в пустыни житию, вкупе же и зело возрадовася, обрет тя единаго толиких подвигов и совершенства суща образ. Сего ради и подлинно испыта о трудех твоих святых и о еже колико имел еси временнаго жития.
Темже и написа, яко шестьдесят лет и три в трудолюбии пребывая, в наготе претерпевая мраз и зной, в глубокой пустыне со зверьми и птицы обитая, молитвы непрестанно творя, пожил еси.
Сего ради ныне радость тебе приношу от недостойных устен моих, преподобне отче, преподобному Пафнутию радосте великая (сподобися бо при кончине с львы послужити тебе, погребсти тело твое и с тобою на небеси жити), Илии Фесвитянину ревнителю, Иоанну Крестителю наследниче, друже Христов и снаследниче истинный, Египту умная красото, Фивеом великое светило, Ливии красная доброто, финикс красно-процветающий, орле высокопарный, летающий в поднебесная, на небесех гражданство обретый, идеже и водворися у Престола Владыки Славы, с двадесять четырми старцы жилище обретый, с ними же и пребываеши.
И ныне молю тя, пречудный гражданине небесный, святых ликов Ангельских совсельниче, услыши мя, грешнаго и недостойнаго раба твоего, в час сей и приими сие малое моление мое Акафистово, великий заступниче, скорый помощниче притекающим к тебе усердно.
Заглади рукописание дел моих скверных и нечистых, яже держат демонския полки. Покрый мя твоим заступлением, причти мя ко уготованному пресветлому месту молитвами твоими и сподоби мя вышняго Иерусалима, ибо по Преблагословенной Владычице нашей Богородице и Приснодеве Марии, тебе между теплейшими помощниками, молебниками и заступниками моими почитаю.
Присещаеши бо и даеши руку помощи припадающим к тебе в храме твоем и повсюду. Темже и аз недостойный ныне тебе молюся и призываю: умоли милостиваго Бога, да отпустит ми вся прегрешения моя, вольная и невольная, сотворенная вся злая дела моя, и да избавит мя твоим предстательством от вечных мук, научит мя творити добрая дела, наставит мя на путь к спасению истинному и сподобит мя купно радости вечныя насладитися со всеми святыми, ныне и присно, и во веки веков, аминь.
