Молитва преподобной Марии Египетской

Преподобная Мария Египетская
Преподобная Мария Египетская

Мария Египетская молитва

О великая Христова угодница, преподобная мати Марие! Услыши недостойную молитву нас, грешных (имена), избави нас, преподобная мати, от страстей, воюющих на души наша, от всякия печали и находяшия напасти, от внезапныя смерти и от всякаго зла, в час же разлучения души от тела отжени, святая угодница, всякую лукавую мысль и лукавые бесы, яко да приимет души наша с миром в место светло Христос Господь Бог наш, яко от Него очищение грехов, и Той есть спасение душ наших, Емуже подобает всякая слава, честь и поклонение, со Отцем и Святым Духом, ныне и присно и во веки веков. Аминь.

Молитва Марии Египетской

О великая Христова угоднице преподобная Марие! На Небеси Престолу Божию предстоящи, на земли же духом любве с нами пребывающи, имеющи дерзновение ко Господу, моли спасти рабы Его, к тебе с любовию притекающыя.

Испроси нам у Великомилостиваго Владыки и Господа веры непорочное соблюдение, градов и весей наших утверждение, от глада и пагубы избавление, скорбящым утешение, недугующым - исцеление, падшим - возстание, заблуждшым - укрепление, в делах благих преспеяние и благословение, сиротам и вдовицам - заступление и отшедшим от сего жития - вечное упокоение, всем же нам в день Страшного Суда одесную страны общники быти и блаженный глас Судии Моего услышати: приидите, благословеннии Отца Моего, наследуйте уготованное вам Царствие от сложения мира, и тамо пребывания во веки получити. Аминь.

Молитва преподобной Марии Египетской

Святая и великая угоднице Христова Марие! Ангелы удивившая безпримерным подвигом своим. Молим тя, блаженная, предстоя ныне у Престола Всесвятыя Троицы, умоли Господа, обретшая велие дерзновение пред Ним, да сподобит Он и нас подобно тебе, покаятися в тмочисленных согрешениях наших, и да простит нас, и да наказав ны зде по Своему человеколюбию, не погубит и нас в будущем веце.

Моли, святая Марие, Пресвятую твою Споручницу, укрепившую тя в подвизе твоем тяжцем, да укрепит Она и нас, Всесвятая, всесильною помощью Своею, на сем земном тернистом пути, и яко ты, облобызав с верою и любовию Бесчестный Крест Христов, восприяла благодать Его Всесильную в борьбе со диаволом, миром и плотию и доблестию разрушила еси все козни сатаны, тако да сподобимся и мы помощию Животворящаго Древа Креста Господня, разрушити все преграды греха к достижению горняго царствия и, удостоившись вечныя жизни, вкупе с тобою выну воспевати Пресвятую Троицу во Единем существе Отца и Сына и Святаго Духа во веки веков. Аминь.

Поиск по сайту

Купить икону

Подписавшись на новости сайта Вы первыми узнаете о новых вышитых иконах и мастер - классах

Новая вышитая икона
Подписаться на новости
Купить икону

Мастер класс по вышивке икон бисером, стразами, поделочными и драгоценными камнями

Мастер класс по вышивке икон

Купить икону